ສຄອ ສຳເລັດການຝຶກອົບຮົມການສ້າງ, ຄຸ້ມຄອງ ແລະ ພັດທະນາເວັບໄຊທ໌ ຢູ່ທີ່ສະຖາບັນ ການຄຸ້ມຄອງວິທະຍາສາດ ແລະ ເຕັກໂນໂລຊີ

0
88

ໃນລະຫວ່າງວັນທີ 15-19 ຕຸລາ 2018, ຢູ່ທີ່: ສະຖາບັນ ການຄຸ້ມຄອງວິທະຍາສາດ ແລະ ເຕັກໂນໂລຊີ  ໄດ້ຈັດກອງປະຊຸມຝຶກອົບຮົມ ໃນຫົວຂໍ້ “ການສ້າງ, ຄຸ້ມຄອງ ແລະ ພັດທະນາເວັບໄຊທ໌” ໃຫ້ແກ່ພະນັກງານວິຊາການພະແນກວິທະຍາສາດ ແລະ ເຕັກໂນໂລຊີ, ແຂວງຫົວພັນ, ແຂວງຜົ້ງສາລີ ພ້ອມດຽວກັນນັ້ນຍັງມີພາກສ່ວນຈາກກະຊວງເຂົ້າຮ່ວມເຊັ່ນ: ກົມຊັບສິນທາງປັນຍາ, ສະຖາບັນ ພະລັງງານທົດແທນ ແລະ ວັດສະດຸໃໝ່, ສະຖາບັນ ນິເວດວິທະຍາ ແລະ ຊີວະເຕັກໂນໂລຊີ; ເຊິ່ງຈັດຕັ້ງປະຕິບັດໂດຍ ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ, (ກະຊວງ ວິທະຍາສາດ ແລະ ເຕັກໂນໂລຊີ) ໂດຍໃຫ້ກຽດເປັນປະທານຂອງທ່ານ ທ່ານ ວິລະສັກ ອິນທະປະຖາ, ຫົວ​ໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ຈຳນວນຜູ້ເຂົ້າຮ່ວມ​ທັງ​ຫມົດ 15 ຄົນ, ຍິງ 3 ຄົນ).

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອປະຕິບັດແຜນຍຸດທະສາດຂອງພັກ-ລັດ ກ່ຽວກັບການພັດທະນາ ຊັບພະຍາກອນ ມະນຸດ; ເພື່ອເປັນການຊຸກຍູ້, ສົ່ງເສີມຄວາມຮູ້, ຄວາມສາມາດ ແລະ ພັດທະນາການນໍາໃຊ້ເຕັກໂນໂລຊີ ໃຫ້ມີປະສິດທິພາບ ແລະ ປະສິດທິຜົນ; ໂດຍ​ການນຳ​ໃຊ້​ໂປຼແກ​ຼມ WordPress ສ້າງ​ເວັບ​ໄຊ ​ໂດຍ​ມີ​ເປົ້າ​ຫມາຍ​ສ້າງ​ຄວາມ​ເຂັ້ມ​ແຂງ​ດ້ານ​ວິ​ຊາ​ການ​ໃຫ້​ແກ່​ພະ​ນັກ​ງານວິ​ທະ​ຍາ​ສາດ ​ແລະ ​ເຕັກ​ໂນ​ໂລ​ຊີ, ແຂວງ ຫົວພັນ, ຜົ້ງສາລີ ແລະກົມຊັບສິນທາງປັນຍາ, ສະຖາບັນ ພະລັງງານທົດແທນ ແລະ ວັດສະດຸໃໝ່, ສະຖາບັນ ນິເວດວິທະຍາ ແລະ ຊີວະເຕັກໂນໂລຊີ ເພື່ອຮັບໃຊ້ເຂົ້າໃນການປະຕິບັດວຽກງານໃນຂະແໜງການຂອງຕົນ.

ພ້ອມດຽວກັນນັ້ນ, ທ່ານ ຈະເລີນສຸກ ພັນດາລາ ວິຊາການ​ສູນບໍ​ລິ​ການ ​ແລະ ວິຊາການ​, ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ກະ​ຊວງ ວິ​ທະ​ຍາ​ສາດ ແລະ ເ​ຕັກ​ໂນ​ໂລ​ຊີ); ຜ່ານ​ບົດ​ສະ​ຫລູບ​ໂດຍ​ຫຍໍ້​ກ່ຽວ​ກັບການ​ຈັດ​ຝຶກ​ອົບ​ຮົມຄັ້ງນີ້: ​ໂດຍ​ຍົກ​ໃຫ້​ເຫັນ​ເຖິງ​ຄວາມ​ຕັ້ງ​ໃຈ​, ຄວາມ​ຫ້າວ​ຫັນຂອງ​ນັກ​ຝຶກ​ອົບ​ຮົມ​ ແລະ ຄວາມ​ຮັບ​ຮູ້​ເຂົ້າ​ໃຈ​ຕໍ່​ບົດ​ຮຽນ​ທີ່​ໄດ້​ຖ່າຍ​ທອດ​ວິ​ຊາ​ຄວາມ​ຮູ້ເພື່​ອສາ​ມາດ​ນຳ​ໄປ​ຜັນ​ຂ​ະຫຍາຍຮັບ​ໃຊ້​ຫນ້າ​ທີ່​ວຽກ​ງານ​ຕໍ່​ໄປ​ໃຫ້​ເກີດ​ປະ​ສິດ​ທິ​ຜົນ​ສູງ.

ໂອກາດນີ້, ພະແນກ ຄົ້ນຄ້ວາ ແລະ ພັດທະນາຊອບແວ, ໄດ້ໃຫ້ກຽດຂຶ້ນມອບໂປຼແກຼມເລືອກຕັ້ງ ແລະ ໂປຼແກຼມ ບໍລິຫານຂໍ້ມູນບ້ານ ​ໃຫ້​ແກ່ ນັກສໍາມະນາກອນ ຈາກພະແນກວິທະຍາສາດ ແລະ ເຕັກໂນໂລຊີ, ແຂວງຫົວພັນ, ແຂວງຜົ້ງສາລີ.

ສຸດທ້າຍນີ້, ທ່ານ ປະລິຕະ ແສງຈັນທຣ໌, ຮອງຫົວ​ໜ້າສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ໄດ້ຂື້ນໂອລົມ ແລະ ​ໄດ້​ເນັ້ນ​ຫນັກ​ໃຫ້​​ຜູ້​ເຂົ້າ​ຝຶກ​ອົບ​ຮົມໄດ້​ນຳເອົາ​ບົດ​ຮຽນ​ທີ່​ຄູ​ຝຶກ​ໄດ້​ຖ່າຍ​ທອດ​ໃຫ້ນຳ​ໄປ​ຜັນ​ຂ​ະຫຍາຍຈັດ​ຕັ້ງ​ໄປ​ປະ​ຕິ​ບັດ​ໃຫ້​ເກີດ​ປະ​ສິດ​ທິ​ຜົນສູງສຸດເພື່ອຮັບໃຊ້ເຂົ້າໃນ ການປະຕິບັດວຽກງານໃນຂະແໜງການຂອງຕົນ. ພ້ອມດຽວກັນນັ້ນ ໄດ້ໃຫ້ກຽດຂຶ້ນມອບໃບ​ຢັ້ງ​ຢືນ​ໃຫ້​ແກ່ ນັກສໍາມະນາກອນ ແລະ ກ່າວປິດພິທີຢ່າງເປັນທາງການ.

ບົດຂ່າວ ແລະ ຮູບພາບ: ຈະເລີນສຸກ ພັນດາລາ

LEAVE A REPLY

Please enter your comment!
Please enter your name here